इटहरी : राहत वितरणमा भेदभाव गरेको भन्दै सुनसरीको इनरुवा नगरपालिकाका एक जना वडाध्यक्ष कुटिएका छन् । राहत वितरणका लागी इनरुवा ८ स्थित दलित वस्तीमा पुगेका वडाअध्यक्ष रविन्द्र मण्डललाई स्थानीयले कुटपिट गरेका हुन् ।
राहत वितरणको तयारी हुँदै गर्दा स्थानियहरुले वडाअध्यक्ष रविन्द्र मण्डललाई चारैतर्फबाट घेरा हालेर कुटेका थिए । स्थानीयले उनीमाथि लाती मुक्काले हिर्काएका थिए ।
वस्तीमा हुनेखानेलेसमेत राहत मागेको तर आफूले अतिविपन्नलाई मात्र राहत दिने बताएपछि केही मानिसले हातपात गरेको बताए । कुटपिट सुरु भएपछि प्रहरीले तत्कालै वडाअध्यक्षको सुरक्षाका लागि प्रहरी पठाएको थियो ।
साभार : अन्नपूर्ण पोष्ट अनलाइन